மழை மேகம் அறிவோம் 3

                    கால நிலை பருவ நிலை பற்றி பார்த்து கொண்டிருக்கிறோம். இன்று நாம் ( cirrus ) ஸிர்ருஸ் மேகம் பற்றி பார்ப்போம்.
                                                                                           நன்றி : shutterstock

 
           
                      ஸிர்ருஸ் மேகம் பூமியிலிருந்து சுமார் 20,000 அடியில் மிக மெல்லியதாக மிதந்து கொண்டிருக்கும். பனி படிகங்களால் ஆனவை.   ஸிர்ருஸ் மேகங்கள் கண்காணிக்கையில் வானிலை எந்த திசையில்  இருந்து வருகிறது   என அறிந்து கொள்ளலாம். காற்று எந்த திசையில் இருந்து எந்த திசை நோக்கி நகர்கிறது என அறிந்து கொள்ளலாம். நாம் ப்ரயாணம் மேற்கொள்வதாய் இருந்தால் அதன் படி தயார் செய்து கொள்ளலாம்.
                         தற்சமயம் கோவையில் ஸிர்ருஸ் வகை மேகங்களே காணப்படுகின்றன.  சென்னை வானிலை ஆய்வு மையம் 2 நாட்களுக்கு மழை வரக்கூடும் என  அறிவித்திருக்கிறது.  பொறுத்திருந்து பார்ப்போம். 

                         பின் குறிப்பு : மேலும் பருவ நிலை குறித்து நமது சின்ன ஆராய்ச்சியை  அடுத்த பதிவுகளில் காண்போம். நீங்களும் சின்ன  ஆராய்ச்சி செய்து எனக்கு தகவல் பரிமாறுங்கள்.    நன்றி.                                                                                                                  

மழை மேகம் அறிவோம் 2

                   நாம் மழை மேகங்களின் தன்மை பற்றி பார்த்துக்கொண்டிருக்கிறோம். cumulus மேகம் பற்றி பார்த்தோம், இப்போது  Stratus மேகம் பற்றி பார்ப்போம்.  இதை பதிவிடும் போது மழை சற்று ஓய்ந்திருக்கிறது.


.

Stratus clouds

                 
     ஸ்ட்ராடஸ் மேகம் ஒரு பெரிய சாம்பல் நிற போர்வை வானத்தில் விரித்தது  போல் இருக்கும். இது தாழ்வாக பூமிக்கு மிக அருகில் இருக்கும். சில சமயம் பூமியில் படர்ந்து பரவி இருக்கும் அதனை மூடு பனி என்று அழைப்போம்.ஸ்ட்ராடஸ் மேகம் சூடாக இருக்கும் போது மழையாகவும் குளிராக இருக்கும் போது பனியாகவும் இருக்கும். 6500 அடியில் படர்ந்திருக்கும் ஸ்ட்ராடஸ் மேகம் பொதுவாக மழை இருப்பதில்லை, சிறு தூறல்களாக தான் இருக்கும்.

                          ஸ்ட்ராடஸ் மேகம் சிறியதாகவும்  காற்றினால் நீளமாகவும்  படர்ந்திருக்கும். ஸ்ட்ராடஸ் மேகம் சூரிய ஒளியை மறைப்பது போல் படர்ந்திருக்கும். ஸ்ட்ராடஸ் மேகம் பல நாட்கள் தொடர்ந்திருக்கும். பருவ நிலை சிறிது குளிர் நிலையில் இருக்கும். தொடர்ந்து பல நாட்கள்  நிலையான வானிலையே  நீடிக்கும்.

                            மாலை 3pm முதல் 6pm வரை  மேகம் சிறிது ஒன்று கூடியும் பழுப்பாகவும் இருப்பதின் காரணம் சூரியனின் தாக்கம் சிறிது குறைந்திருப்பதால் தான். வானில் படர்ந்திருக்கும் நீராவி சுருங்கி  ஒன்று கூடி இருப்பதால் தான் வானிலை சிறிது மந்தமாக இருப்பது போல் தோன்றுகிறது.

                            நமது சின்ன ஆராய்ச்சியை சரியாக உள்ளதா என காண்போம். கோவையில் தற்சமயம் ஸ்ட்ராடஸ் மேகங்கள் பரவியுள்ளன. மேகங்கள் தாழ்வாக பூமியை படர்ந்துள்ள. பெரும் மழை இருக்காது என்று அறிகுறிகள் தெரிவதால் நான் குடை கொண்டு செல்லவில்லை. பார்ப்போம்.
                     
                          பின் குறிப்பு : நீங்களும் உங்கள் ஊர்களில் பருவ நிலை அறிய மேகங்களை பயன் படுத்துங்கள். அடுத்த பதிவில் மேலும் ஆராய்வோம். 

              )                          

மழை மேகம் அறிவோம்

               மழை இந்த முறை கொட்டி தீர்ந்துவிட்டது. மழை மேகம் என்பது என்ன? மேகம் பார்த்து மழை வருமா அல்லது வராதா என எப்படி அறிவது ?  நம் முன்னோர்கள் பருவம் அறிந்து பயிர் செய்தார்கள். எப்படி ? எந்த ஒரு உபகரணங்கள் செயற்கைகோள் எதுவும் இல்லாமல் எப்படி பலவற்றை கற்றார்கள், செய்தார்கள்? நாமும் தான் சிறிதாவது அறிந்துக் கொள்ளலாமே, என ஒரு சிறிய தேடல்.